தனது உயிருக்கு அச்சுறுத்தல் இருப்பதாக பெலாரஸ் எதிர்ப்பு போராட்ட தலைவர் குற்றச்சாட்டு

பெலாரஸ் எதிர்க்கட்சி அரசியல்வாதி மரியா கோல்ஸ்னிகோவா உக்ரேனுக்கு வலுக்கட்டாயமாக நாடுகடத்த முயன்றபோது பாதுகாப்பு அதிகாரிகள் எனது தலைக்கு மேல் ஒரு பையை வைத்து கொலை மிரட்டல் விடுத்ததாக வியாழக்கிழமை அவரது வழக்கறிஞர் அளித்த புகாரில் தெரிவிக்கப்பட்டுள்ளது.
பெலாரசில் ஜனாதிபதி அலெக்சாண்டர் லுகாஷென்கோவின் மறுதேர்தலுக்கு எதிராக நடைபெற்ற  ஒரு மாத கால போராட்டங்களில் மிக முக்கியமான தலைவர்களில் ஒருவரான கோல்ஸ்னிகோவாவை நாடுகடத்தும் முயற்சி டைபெற்றது.அவர் தனது பாஸ்போர்ட்டைக் கிழித்து வெளியேற்றும் முயற்சியைத் தடுத்தார்.
நாடுகடத்தப்படுவதில் தோல்வியுற்றபோது தனது உயிருக்கு உண்மையிலேயே அச்சுறுத்தல் இருப்பதாக அவர் ஒரு   அறிக்கையில் தெரிவித்துள்ளார்.

“குறிப்பாக நான் தானாக முன்வந்து பெலாரஸ் குடியரசை விட்டு வெளியேறவில்லை என்றால், நான் எப்படியாவது உயிருடன் வெளியே அழைத்துச் செல்லப்படுவேன் என்று கூறப்பட்டது. என்னை 25 ஆண்டுகள் வரை சிறையில் அடைப்பதாக அச்சுறுத்தல்களும் இருந்தன” என்று கோல்ஸ்னிகோவா கூறினார்.
லுகாஷென்கோவின் 26 ஆண்டுகால ஆட்சியை வீழ்த்த முயற்சிக்கும் எதிர்ப்பு இயக்கத்திற்கு அவர் ஒரு ஹீரோவாக உருவெடுத்துள்ளார்.
முன்னாள் சோவியத் குடியரசில் அதிகாரத்தைக் கைப்பற்ற சட்டவிரோத முயற்சி என்ற குற்றச்சாட்டின் பேரில் அவரைத் தடுத்து வைத்த அதிகாரிகளுக்கு ஒரு முக்கிய இலக்காக கொடுக்கப்பட்டு உள்ளது. 
பெலாரசியின் தலைநகர் மின்ஸ்கில் சிறையில் இருக்கும் கோல்ஸ்னிகோவா, எதிர்க்கட்சி ஒருங்கிணைப்புக் குழுவின் மூத்த உறுப்பினர்களுக்கு எதிரான குற்றவியல் விசாரணையின் ஒரு பகுதியாக தேசிய பாதுகாப்பைக் குறைமதிப்பிற்கு உட்படுத்தியதாக குற்றம் சாட்டப்பட்டுள்ளது. குற்றம் நிரூபிக்கப்பட்டால், அவர் ஐந்து ஆண்டுகள் வரை சிறைத்தண்டனை அனுபவிக்க நேரிடும்

LEAVE A REPLY

Please enter your comment!
Please enter your name here

twenty − four =